Parting Time Tagalog | My Short Piano Version

Nang malaman kong pwede palang mag-Freestyle collab sa Smule ay naisip kong i-try tugtugin ang isa sa mga OPM songs na paborito ko. Ito rin yung kantang ginamit ko sa project kung saan itatagalog namin yung isang song. Sa totoo lang naisip ko itong gamitin noong nagka-cramming na ako. Group project kasi namin ito sa Filipino at wala akong maisip na kanta tapos malapit na yung deadline. Nasa jeep ako noon nang biglang pinatugtog ito ni Manong Driver at hayun napakanta ako at naisip kong ito na lang ang i-translate ko.

Ito yung lyrics niya kung sakaling gusto mong sumabay. Pinaiklli ko na lang to kaya short version, nakakatuwa na kahit paano ay may naki--join sa akin dito kahit wala siyang lyrics sa smule dahil freestyle siya. May ibang kinanta yung English version at yung iba naman ay yung lyrics na ginawa ko.

Naaalala ko pa noong kasama ka

Sa lungkot at saya tayo'y nagsama.. 

Mga sandaling tayo lamang dalawa

Ngayong wala ka na, iniwan mong nag-iisa..

Gawin mo ang gusto mo

Huwag mo lamang iiwan, ako'y masasaktan

Anong gagawin? Sa iyo'y sabik parin.

Huwag kang mawawala, ako'y iyong dinggin.

Bawat oras nais makapiling ka...

Ayokong mawala ka, sa piling kailangan ka..

Ayokong mawala ka, di mo ba nakikita..

Oh kailangan ka dito sa buhay ko..

Hiling ko sana'y magbalik ka

Tunay na sabik sa'yo

Magbalik ka..

Ito ay original ng Rockstar na pang malakasan din yung galing sa pagkanta. Sa awa naman ni Lord ay naipasa ko siya. Shout out na lang pala dun sa jeep at kay Manong Driver, save by the bell ang project ko. Sana ay na-enjoy mo ang collab kong ito kahit mali-mali haha.